Öruggur rekstur og opin stjórnsýsla fyrir alla. Þess vegna viljum við ...

 

• forgangsraða verkefnum í anda jafnaðarstefnunnar. Við viljum hlúa vel að velferðarkerfinu í bænum, skólunum, hjúkrunar- og dvalarheimilinu og öðrum þeim þáttum sem styrkja samfélagsgerðina og treysta lífsskilyrði íbúanna.

• sjá til þess að bætt fjárhagsstaða bæjarins skili sér til þeirrar þjónustu sem skera þurfti niður þegar skóinn kreppti.

• gera Skagann skemmtilegri, með fjölbreyttari möguleikum til útivistar í samráði við bæjarbúa.

• stuðla að stofnun hverfaráða, þar sem íbúarnir geti tekið ákvarðanir um þau málefni sem varða þá sérstaklega. Slík hverfaráð fái ákvörðunarvald um ráðstöfun fjár sem þeim yrðu veitt á fjárhagsáætlun hverju sinni.

• nýta fjárhagslegt svigrúm til að byggja upp og fegra bæinn.

• halda reglulega íbúafundi um atvinnumál, menningarmál, skipulagsmál, skólamál og önnur mikilvæg mál.  

• halda áfram að virkja og þróa rafræna íbúagátt á nýjum vef Akraneskaupstaðar.

• auka upplýsingaflæði til bæjarbúa.

• setja í gang „óskalista“ bæjarbúa varðandi verkefni sem þarf að leysa.

• halda áfram að vinna að lækkun skulda bæjarsjóðs og þannig lágmarka fjármagnskostnað.

• kanna reglulega gæði þjónustunnar sem Akraneskaupstaður veitir.

• viðhalda faglegum vinnubrögðum í viðskiptum bæjarins og gæta fyllstu hagkvæmni í innkaupum.

• halda áfram að sýna ábyrgð með vandaðri áætlanagerð og öruggri fjármálastjórn.

• að Akranes verði áfram fremst í flokki meðal sveitarfélaga hvað varðar þjónustu við bæjarbúa.