Menning á Akranesi

Akranes blómstrar sem menningarbær þar sem íbúar hafa kost á að njóta og taka þátt í menningu og listum. Listir ýta undir jákvæða sjálfsmynd, gagnrýna og skapandi hugsun og samfélagsvitund. Stuðla þarf að fjölbreytni og áframhaldandi uppbyggingu menningarlífs á Akranesi og styðja við skapandi framtak bæjarbúa.

Lifandi menning fyrir alla. Þess vegna viljum við ...

 

  • standa myndarlega að föstum viðburðum og menningarhátíðum bæjarins.

  • skapa vettvang til menningarþátttöku unga fólksins.

  • barnamenningarhátíð með virkri þátttöku skólanna í bænum.

  • hlúa að öflugu starfi Tónlistarskólans og öðru tónlistarstarfi á Akranesi.

  • nýta Tónberg betur sem vettvang menningar og lista.

  • styðja við fjölbreytta starfsemi bókasafns, héraðsskjalasafns og Ljósmyndasafns Akraness, m.a. með lengingu opnunartíma.

  • halda áfram að merkja helstu fornminjar, örnefni og sögustaði í bæjarlandinu.

  • leita eftir samvinnu við húseigendur til að setja upp upplýsingaskilti við gömul hús í bænum þar sem greint er frá sögu hússins.

  • gera stefnumótun um áframhaldandi uppbyggingu og viðhald á safnasvæðinu.

  • nýta safnasvæðið til lifandi viðburðahalds.

  • finna Íþróttasafni Íslands viðunandi stað svo það sé stolt okkar og sérstaða.

  • bjóða upp á Skagapassann sem veitir aðgang með afslætti að t.d. söfnum, sundlaugum og viðburðum.

  • gera styrkjamál aðgengilegri á vef bæjarins og fjölga úthlutunartímabilum.

  • gera viðburðadagatal sýnilegra og virkara.

  • styrkja menningarlífið í bænum með því að tiltækt sé húsnæði fyrir listamenn, leikhópa og tónlistarfólk til að vinna að listsköpun og kynna sig og verk sín.

  • bæta viðhald á útilistaverkum í bænum, merkja þau og lýsa þau upp.

  • setja upp upplýsingaskjái á völdum stöðum í bænum þar sem sjá megi upplýsingar um viðburði og fleira.

  • setja aðfangastefnu fyrir Akraneskaupstað varðandi kaup og söfnun listaverka.

  • fylgja menningarstefnu bæjarins eftir með aðgerðaáætlun.

#xsAkranes