(7) Hrund
(8) Guðmundur
(9) Sigrún
(10) Björn
(11) Jónína
(12) Guðríður
(13) Bergur
(14) Ingibjörg
(15) Ólafur
(16) Helga
(17) Helgi
(18) Jóhann
KOSNINGASKRIFSTOFA (kort)
KYNNINGAREFNI
Stefna Samfylkingarinnar
á Akranesi
í bæjarmálum vorið 2010
Velferðarmál
- Fjölskyldan
- Við ætlum að auka framlög til grunnþjónustu
með því að breyta forgangsröðun
og skila til baka hluta þess niðurskurðar sem
orðinn er í stofnunum sem heyra undir Fjölskyldustofu,
svo sem leik- og grunnskólum.
- Við ætlum að efla stoðþjónustu
(s.s. sérkennsla, sálfræðiþjónusta,
námsráðgjöf) leik- og grunnskóla.
- Við ætlum að styðja við bakið á
framsæknu og kröftugu skólastarfi í
leik og grunnskólum. Leita þarf leiða til að
barnafjölskyldur sjái sér félags-
og fjárhagslega hag í að setjast að í
bænum.
- Við ætlum að viðhalda metnaðarfullu
tónlistarnámi.
- Við ætlum að hlúa að fjölbreyttu
íþrótta- og tómstundastarfi fyrir
börn og unglinga og vinna að forvörnum á
skipulegan hátt.
- Við ætlum að efla enn frekar heimaþjónustu
og heimahjúkrun.
- Við ætlum að leggja áherslu á
að Akraneskaupstaður verði leiðandi sveitarfélag
í þjónustu við fatlaða og aldraða
með hagsmuni þeirra að leiðarljósi.
Atvinnumál
- Við ætlum að leggja aukna áherslu á
að hlúa að fyrirtækjum sem fyrir eru á
Akranesi og laða að ný fyrirtæki í
bæinn og stuðla þannig að fjölbreyttara
atvinnulífi.
- Við viljum, með öllum tiltækum ráðum
verja og styrkja þau fyrirtæki og stofnanir sem
fyrir eru í bænum. Rekstur Sjúkrahússins
þarf að treysta og að skilgreina sem hluta af
öryggiskerfi landsins ef til náttúruvár
kemur. Athuga þarf hvort ekki sé skynsamlegt að
stofna til sameiginlegs framhaldsskóla á Vesturlandi
með höfuðstöðvar á Akranesi.
- Við viljum auka eins og kostur er viðhald á
fasteignum bæjarins og tryggja þannig atvinnu iðnaðarmanna
í bæjarfélaginu. Nýta þarf
þá breytingu á lögum að búið
er að fella niður virðisaukaskatt á viðhaldsverkefnum.
- Við viljum kanna vandlega hvort möguleiki sé
á aðkomu bæjarfélagsins að hálfkláruðum
byggingum í bæjarfélaginu til að tryggja
búsetu og atvinnu.
- Við viljum hvetja til virkrar samvinnu meðal fyrirtækja
bæjarins um að versla í heimabyggð. Það
mun verða gert með endurstofnun Markaðsráðs
Akraness.
- Við ætlum að sýna frumkvæði
að því að fá fleiri ríkisstofnanir
í bæinn og styrkja þær sem fyrir eru.
- Við viljum efla nýsköpun og frumkvöðlastarf
með því að virkja mannauðinn í
samfélaginu. Auðvelda þarf áhugasömum
aðilum að koma á fót nýjum fyrirtækjum.
Fylgja þarf eftir samkomulagi um Faxaflóahafnir
þar sem kveðið var á um hlutverk Akraneshafnar.
- Við viljum gera úttekt á minni iðnaði
í bæjarfélaginu, fjölda fyrirtækja
og starfssviði og leggja á ráðin um eflingu
þessara fyrirtækja.
- Við ætlum að endurskoða samgöngumál
innan og utan bæjarins í takt við þarfir
bæjarbúa. Góðar almenningssamgöngur
eru mikilvægur þáttur í nútíma
samfélagi, þær eru hagkvæmar fyrir
neytendur og mikilvægt framlag til umhverfisverndar.
Fjármál
og stjórnsýsla
- Við ætlum að taka til í fjármálum
bæjarins og sýna ábyrgð með vandaðri
áætlanagerð og öruggri fjármálastjórn.
- Við viljum vinna að lækkun skulda bæjarsjóðs
með því að lágmarka fjármagnskostnað
og auka tekjur. Endurfjármagna þarf skuldir bæjarins
með það fyrir augum að lækka vaxtabyrði
og lengja í lánum.
- Við ætlum, í öllum störfum bæjarfélagsins
og bæjarstjórnar, að viðhafa gagnsæja
og heiðarlega stjórnsýslu. Grundvallaratriði
er að fylgja settum reglum og tryggja jafnræði
milli aðila í viðskiptum við bæjarfélagið.
- Við ætlum að viðhalda og efla fagleg vinnubrögð
í viðskiptum bæjarins og gæta fyllstu
hagkvæmni í innkaupum, hvort sem um er að ræða
útboð eða verðkannanir.
- Við viljum auka tekjur í bæjarsjóð
og losa um fjármuni með því að bjóða
byggingalóðir á kostnaðarverði. Tengt
því viljum við auka eftir föngum atvinnutækifæri
og markaðssetja bæinn gagnvart fjölskyldum og
fyrirtækjum.
- Við ætlum að endurskoða skipurit Akraneskaupstaðar
til að auka lýðræði og valddreifingu
og skýra verkaskiptingu. Það verður gert
með fjölgun nefnda sem fjalla um tiltekna málaflokka
líkt og gert er hjá sveitafélögum
almennt.
- Við ætlum ávallt að forgangsraða
verkefnum. Samfylkingin vill raða þeim í anda
jafnaðarstefnunnar.Hún vill því verja
velferðarkerfið í bænum, skólana,
dvalarheimilið og aðra þá þætti
sem styrkja samfélagsgerðina og treysta lífsskilyrði
íbúanna.
- Við ætlum að halda virku sambandi við bæjarbúa
með því að kanna reglulega skoðanir
og viðhorf þeirra til hinna margvíslegu málefna
bæjarfélagsins, með vefkönnunum eða
öðrum hætti, og auðvelda aðgengi bæjarbúa
að embættismönnum og kjörnum fulltrúum.
Þá vill Samfylkingin stuðla að stofnun
hverfaráða, þar sem íbúarnir
geti tekið ákvarðanir um þau málefni
sem varða þá sérstaklega. Slík
hverfaráð fái ákvörðunarvald
um ráðstöfun fjár sem þeim yrðu
veitt á fjáhagsáætlun hverju sinni.
Þá má einnig auka áhrif bæjarbúa
með því að þeir geti sett ábendingar
inn á heimasíðu bæjarins um það
sem betur megi fara. Einnig gætu íbúafundir
ákveðið forgangsröðun tiltekinna verkefna.
- Við ætlum að halda íbúaþing
að hausti við undirbúning á fjárhagsáætlun
bæjarins.
- Við viljum leggja áherslu á að unnið
skuli ötullega að sameiningu sveitarfélaga í
landinu, enda er það góð leið til að
tryggja sjálfstæði sveitarfélaga, bæði
faglega og fjárhagslega og þar með getuna til
að auka þjónustu við íbúana.
Skipulagsmál
- Sjá þarf til þess að samþykktu
skipulagi sé fylgt og enginn komist upp með að
brjóta af sér eða hundsa tilmæli bæjaryfirvalda
um úrbætur án þess að viðurlögum
sé beitt.
- Draga verður úr formlegum áhrifum verktaka
á ákvarðanir í skipulagsmálum.
- Vinna skal að því að ólíkur
iðnaðar starfi ekki hlið við hlið, s.s.
matvælafyrirtæki og vélaverkstæði.
- Mikilvægt er að taka til endurskoðunar Miðbæjarskipulagið
og nýta sér í því skyni verðlaunatillögu
er unnin var á síðasta kjörtímabili.
Umhverfismál
- Við viljum endurskoða Staðardagskrá 21
sem er umhverfisstefna bæjarins.
- Við viljum fylgja eftir framkvæmdum við Græna
ásinn (tenging svæðanna milli Langasands og
Garðalundar) sem boðaður var í stefnuskrá
Samfylkingarinnar 2006. Þróa skal hugmyndina áfram
miðað við nýjustu forsendur.
- Við viljum greina og forgangsraða viðhaldi gatna
og göngustíga bæjarins. Gera þarf átak
í lagfæringum á gömlum og slitnum götum
og göngustígum, einkum þar sem steinsteypa
er brotin eða illa slitin af umferð.
- Við viljum laga aðgengi að fjörunni í
Krókalóninu með tilkomu nýrrar frárennslislagnar
og hreinnar fjöru.
- Við ætlum að skipuleggja reglubundin þrif
í bænum árið um kring. Bætt þrif
bæta umgengni íbúanna.
- Við ætlum að setja upp fleiri ruslatunnur og
gera átak í því að bæta
umgengnishætti íbúanna.
- Við viljum embættismönnum bæjarins pólitískan
stuðning við beitingu úrræða gegn umhverfisslóðum.
- Við viljum endurskoða áætlun um umhirðu
og endurbætur á grænum svæðum í
bænum og huga sérstaklega að svæðum
í gamla bænum s.s. að Skrúðgarðinum
og Merkurtúni.
Menningarmál
- Við viljum halda áfram að byggja upp Safnasvæðið
að Görðum og koma því í fremstu
röð eftirtektarverðra safna og sýninga á
Íslandi Tryggja verður að rekstur svæðisins
verði ávallt á forræði eigenda.
Kynna skal Safnasvæðið sem áhugaverðan
stað fyrir grunnskólana á suðvesturhorninu
til að heimsækja að vetri til.
- Við viljum að fundin verði langtímalausn
á varðveislu Kútters Sigurfara og hann gerður
aðgengilegur bæjarbúum og gestum til framtíðar
ásamt öðrum skipum á Safnasvæðinu.
Í þessu skyni skal efna til hugmyndasamkeppni varðandi
hönnun á húsnæði utan um skipin.
- Við viljum halda áfram að byggja upp Garðalund
og gera hann að enn meira aðlaðandi útivistarparadís
Skagamanna með aukinni afþreyingu fyrir gesti og gangandi
og tengja hann við nýja skógræktarsvæðið
í Klapparholti.
- Við viljum styrkja menningarlífið í
bænum með því að tiltækt sé
húsnæði fyrir listamenn, leikhópa og
tónlistarfólk.
- Við viljum gera Vökudögum hærra undir
höfði með því að efna til fleiri
og fjölbreyttari menningarviðburða í bænum
fyrir alla fjölskylduna t.d. með lagasamkeppni, uppsetningu
leikþátta, barnadagskrá o.fl.
- Við viljum endurskoða fyrirkomulag Írskra daga
í heild sinni með það að markmiði
að kynna betur írska menningu og þjóðlíf
fyrir fjölskyldufólki.
- Við viljum tengja starf Tónlistarskólans
og annarra skóla betur við viðburði bæjarins
og fá listafólk á Akranesi til að taka
þátt í listviðburðum bæði
á Vökudögum og Írskum dögum.
Markaðsmál
- Við ætlum að endurskilgreina og styrkja embætti
markaðs- og atvinnufulltrúa með það
fyrir augum að gera starfið skilvirkara og markvissara.
- Við viljum að unnið verði að því
að haldnar séu reglulega sýningar þar
sem starfsemi fyrirtækja á Akranesi er kynnt í
því skyni að heimamenn geri sér betur
grein fyrir fjölbreytni atvinnulífsins og til þess
að landsmenn sæki í auknum mæli þjónustu
til fyrirtækja á Akranesi. Akraneskaupstaður
þarf að eiga frumkvæði að því
að virkja og auka samskipti og samstarf við ferðaþjónustuaðila
og aðra hagsmunaðila á Vesturlandi til að
fjölga ferðamönnum á svæðinu.
- Við viljum vinna í samstarfi við nágrannasveitarfélög
að skipulagningu styttri ferða um svæðið,
t.d. dagsferða . Þessar ferðir myndu henta vel
farþegum skemmtiferðaskipa. Hægt yrði að
aka umhverfis Hvalfjörðinn og skoða þar markverða
staði, fara á Akranes, skoða Safnasvæðið,
Langasand, golfvöllinn o.s.frv. Þessar ferðir
yrðu til að styrkja ferðaþjónustu á
öllu svæðinu og mikilvægar til að byggja
upp og kynna Akranes sem ferðaþjónustustað.
- Við viljum hefja markvissa kynningu á Akranesi
sem sýninga- og ráðstefnustað. Nýta
má mannvirki bæjarins undir stórsýningar
eins og sjávarútvegssýningu.
- Við viljum kynna Safnasvæðið, Langasand,
ýmsar gönguleiðir, fjörurnar á Akranesi,
íþróttasvæðið, brimið
í vestanáttinni, útvistarsvæðið
í Innsta Vogi og Blautós sem er þekktur
viðkomustaður farfugla. Eins þarf að kynna
áhugaverðar gönguleiðir eins og t.d. Akrafjall,
listaverkahringurinn og Innstavogsnesið
- Við ætlum að virkja heimasíðu bæjarins
sem upplýsingaveitu fyrir ferðamenn og íbúa
á Akranesi og sjá til þess að hún
sé stöðugt uppfærð.
- Við ætlum að vinna að og viðhalda ímynd
Akraness og því sem bærinn stendur fyrir.
Spyrja þarf spurninga eins og: Hver erum við, hver
er sérstaða okkar? Þessa ímynd þarf
að kynna fyrir núverandi og framtíðar
íbúum bæjarins og ferðamönnum.
- Við ætlum að markaðssetja bæinn sérstaklega
sem fjölskyldu bæ og laða þannig að
nýja íbúa.
- Við viljum markaðssetja bæinn skipulega sem
vænlegan búsetustað fyrir starfsmenn á
Grundartangasvæðinu sem búa á höfuðborgarsvæðinu.
Við viljum að leitað verði leiða til að
lækka lóðaverð til einstaklinga. Kanna
þarf hvort unnt sé að stofna eignarhaldsfélag
um lóðir í eigu bæjarins. Slíkt
eignarhaldsfélag gæti úthlutað lausum
lóðum með samningum til umsækjenda.
- Við viljum virkja höfnina sem aðstöðu
fyrir skemmtisiglingar t.d. sjóstangaveiði, skútusiglingar,
hvalaskoðunarferðir og siglingakeppnir.
- Við viljum bjóða upp á ferðatilboð
á Safnasvæðið að Görðum þannig
að fólk sem kæmi í gegnum Hvalfjarðargöngin
í heimsókn á Safnasvæðið,
fengi gangamiða til baka frítt.
Við ætlum að gera Akranes að spennandi kosti
fyrir hópeflisferðir og aðrar starfsmannaferðir.
Velferðarmál
- Fjölskyldan